Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Exsertotheca crispa

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Oundulino-crespado

Exsertotheca crispa

Neckeraceae

Nom en français : Onduline crispée.

Descripcioun :
Aquelo mousso pluroucarpo douno de gràndi coulounìo sus li roco cauquiero à l'oumbro, o de draparié sus li pège e branco d'aubre vivènt o mort. Se recounèis pulèu eisadamen à si ramo dins lou meme plan e à si poulìdi fueio oundado dins la larjour, sènso costo e acabado amé un pichot benc.

Usanço :
I'a pas trop pèr s'engana amé l'oundulino-crespado que se recounèis pulèu bèn. Es uno meno pulèu coumuno au nostre e dins lou relarg mediterran. Meme s'es un pau pu raro à l'uba, èi marcado sus listo roujo categourìo LC valènt à dire soucit minour.

Port : Pluroucarpo
Taio : 5 à 20 cm
Fueio : 3,5 à 4,5 mm
Tipe bioulougico :
Cicle bioulougico : Planto renadivo

Gènre : Exsertotheca
Famiho : Neckeraceae

Ordre : Hypnales

Coulour de la flour :
Petalo : 0,8 à 1,2 cm
Ø (o loungour) flour : Coumplet
Flourido : Ivèr

Sòu : Ca (Si)
Autour basso e auto : 50 à 2000 m
Aparado : Noun
Desèmbre à Mars

Liò : Roco à l'oumbro - Pège à l'oumbro
Estànci : Mesoumediterran à Subaupen
Couroulougi : Oulartico
Ref. sc. : Exsertotheca crispa (Hedw.) S.Olsson, Enroth & D.Quandt, 2011 (= Neckera crispa Hedw., 1801 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Exsertotheca crispa

ges

Coumpara Lambrusco(-bastardo) emé uno autro planto

Coumpara Oundulino-crespado emé uno autro planto